ءىس-شارادا ءسوز سويلەگەن ۇلتتىق ەكونوميكا ۆيتسە-ءمينيسترى ءمادينا جۇنىسبەكوۆا 2017 جىلعى باعالاۋ قورىتىندىسى بويىنشا قازاقستان 137 ەلدىڭ ىشىندە 57-ورىننان تابىلعانىن مالىمدەدى. ۆيتسە-مينيستر بيىل ەلىمىز 12 ساتىعا كوتەرىلىپ, 45-ورىننان كورىنۋدى جوسپارلاپ وتىرعانىن جەتكىزدى.
جالپى, جاھاندىق باسەكەگە قابىلەتتىلىك يندەكسىن كوتەرۋ – ۇكىمەتتىڭ ەكونوميكالىق ساياساتىنىڭ باسىم باعىتىنىڭ ءبىرى. ونى ارتتىرۋ ءۇشىن ۇكىمەت بيزنەس قوعامداستىقپەن اۋقىمدى جۇمىس ىستەپ كەلەدى.
«سوڭعى جىلداردا ءبىزدىڭ تاراپىمىزدان مەملەكەتتىك ورگانداردىڭ باقىلاۋ-قاداعالاۋ فۋنكتسيالارىنا كەڭىنەن تەكسەرۋ جۇرگىزىلىپ, ونىڭ بارىسىندا بيزنەسكە اكىمشىلىك كەدەرگىلەر مەن رەتتەۋشىلىك جۇكتەمەلەر سانى ەداۋىر ازايتىلدى. كورسەتىلەتىن مەملەكەتتىك قىزمەتتەردى تسيفرلان-
دىرۋ جۇزەگە اسىرىلدى», دەدى م.جۇنىسبەكوۆا.
ۆيتسە-ءمينيستردىڭ ايتۋىنشا, جەكە سەكتوردا كورپوراتيۆتىك باسقارۋ قاعيدالارى ەنگىزىلەدى جانە باقىلاۋشى ورگانداردىڭ تاۋەكەلدەردى باسقارۋ جۇيەسىنە بەكىتىلگەن كورپوراتيۆتىك باسقارۋ رەيتينگى جاسالادى.
بيىل رەسپۋبليكالىق ماڭىزداعى 4,2 شاقىرىمدىق اۆتوجول سالۋ جانە 2 مىڭ شاقىرىمدىق جولدى جوندەۋ جوسپارلانعان. سونداي-اق جەرگىلىكتى جولدار دا نازاردان تىس قالمايدى. جىل سايىن وسىنداي 5 مىڭ شاقىرىم جول جوندەلىپ وتىرماق. بيزنەس جۇرگىزۋگە قاجەتتى مەملەكەتتىك قىزمەت كورسەتۋ ء«بىر تەرەزە» قاعيداتى بويىنشا ۇسىنىلادى.
سونىمەن قاتار بيىل جاڭا سالىق كودەكسى قابىلداندى. ونىڭ ماقساتى – سالىقتىڭ اكىمشىلەندىرۋ راسىمدەرىن جەڭىلدەتۋ. 2017 جىلى ماكروەكونوميكالىق
احۋال جاقساردى. ورتاشا جىلدىق ينفلياتسيا 7,1 پروتسەنتكە دەيىن تومەندەدى. بيۋدجەت تاپشىلىعى دا ايتارلىقتاي ازايعان.
اباي اسانكەلدى ۇلى,
«ەگەمەن قازاقستان»
